Nalunaarsuutit tunngaviusut suliarinerilu
Meeqqanut tapiissutinut nalunaarsuutit tunngaviusut kommunit meeqqanut tapinut katersivianit tiguneqarput. 2021-p qiteqqunnerani Kommuneqarfik Sermersuummit kommnit meeqqanut tapinut katersivia atorneqarunnaarnera pissutaalluni pisortat ataatsimoorullutu aningaasaqarnermut suliaanit amigaataasut ilanngunneqarput.
Kisitsisitigut paasissutissat aaqqissuunneri
Nalunaarsuutit tunngaviusut allaffissorluni nalunaarsuiffinninngaanneerput, kisitsisitigullu paasissutissiinermut atortussiatut ineriartortitaanatik, taamaattumillu nalunaarsuutit tunngaviusut suliareqqillugit misissorlugillu suliaapput.
Nalunaarsuutinik misissuineq
Kisitsisitigut paasissutissanut kommunini meeqqanut tapiissutinut nalunaarsuutit atorlugit tunngavigineqarput. Meeqqanut tapiissutini nalunaarsuutit avataasigut tapiliussat aamma isertitaqqortussuseq naapertorlugu nalilersuinerit kisitsisitigut paasissutissanut ilanngunneqanngillat.
Periaaseq
Kisitsisini paasissutissani matumani pineqartut tassaapput Naatsorsueqqissaartarfiup inunnik nalunaarsuiffiani inuit ukiup naanerani Kalaallit Nunaanni kommunini najugaqartutut allattorsimasut. Inuit nalunaarsuiffianni sumiiffimmi najugaqartutut allaqqasoq tassani najugaqartutut naatsorsuussaavoq, inuillu allattorsimaffianni sumiiffimmi najugaqartutut naatsorsorneqarsimaneq kommunit naatsorsuuserisarfianni allami najugaqartutut allaqqasinnaalluni.
2014-imiit 2017-imut meeqqanut tapiissutinik pisartagallit amerlassusaat tapiissutit tunniunneqartut amerlassusaat malillugit killileqqinneqarput. Qaammat decembarimi meeqqanut tapiissutigineqarsimasoq 239 kr.-nit minneruppat (2013-imi meeqqanut tapiissutigineqartartoq minnerpaaq) tapiiffigineqartoq naatsorsuutini ilanngunneqanngilaq.
Ukiut
Ukiumi pineqartumi decembarip aallaqqaataani ukiorisat malillugit naatsorsorneqarput.
Meeqqat amerlassusaat
Meeqqat amerlassusaat ukiumi pineqartumi decembarip naanerani naatsorsorneqarput. Kisitsinermi kommunit naatsorsuuserisarfiinit tigusani meeqqanut tapiissutit tunniunneqartut ataasiakkaat, meeqqat inuttut-normuinut atassuserneqarsimasut malinneqarput.